პოლიტიკა

ჩიორა, ძვირფასო, მახსოვს, არგუმენტებზე არგუმენტებით პასუხობდი - სერგო რატიანი

ნაციონალურ მოძრაობაში სერგო რატიანსა და ჩიორა თაქთაქიშვილს შორის დაპირისპირება გრძელდება.

სერგო რატიანი თანაპარტიელის მისამართით სოციალურ ქსელში მორიგ სტატუსს აქვეყნებს:

,,ჩემი მხიარული ცხოვრება გრძელდება. დღისით ქართულ ოცნებასთან ვარ დებატებში (გუშინ და გუშინწინ ბიუჯეტის განხილვა იყო პარლამენტში), საღამომდე პარტიული მეგობრები აგროვებენ …

მოკლედ, გუშინ ჩიორამ და მისმა მეუღლემ ახალი სტატუსები დადეს. ილო ნიკოლაიშვილმა მომიწოდა:
„გათავისუფლებული პარტიული ფუნქციონერები, რომლებმაც 7 ათას კაციან ყრილობას დაუჭირეს მხარი, თურმე აცხადებდნენ, რომ მზად იყვნენ უხელფასოდ ემუშავათ, მაგრამ მაინც გაუშვით.

საჯაროდ ვაცხადებ, რომ პოლიტიკური ნიშნით ადამიანების შერჩევითად დევნის ბრალდებისთვის ბოდიშს მოვიხდი, თუ:

გათავისუფლებულ ფუნქციონერებს თანამდებობებზე დააბრუნებთ.

(გათავისუფლების მიზეზად ფინანსების შემცირება დაასახელე, მაგრამ ხალხი მზადაა უფასოდ იმუშაოს...)“

თითქოს არ იცოდეს სიმართლე, მაგრამ მაინც განვმარტავ:

გოგა ონიანი არის ვაზისუბნის რაიონული ორგანიზაციის თავმჯდომარე, აქვს რაიონისთვის განკუთვნილი თანხების განკარგვის სრული უფლებამოსილება.

გიორგი ბაბაკიშვილი — სიღნაღის რაიონული ორგანიზაციის თავმჯდომარე, აქვს რაიონისთვის განკუთვნილი თანხების განკარგვის სრული უფლებამოსილება.

ზურა ცერცვაძე — საჩხერის რაიონული ორგანიზაციის თავმჯდომარე, აქვს რაიონისთვის განკუთვნილი თანხების განკარგვის სრული უფლებამოსილება.

გიორგი ხურცილავა არის გარდაბანის საკრებულოს წევრი.

კობა ხაბაზი — თავისუფალი ზონის ლიდერი. ზონის დაფინანსების საკითხებს თავად მოგიყვებათ.

ამიტომ განცხადება, რომ ეს ადამიანები ჩამოშორდნენ პარტიულ საქმიანობას, ან მათ შეეზღუდათ მოქმედების უფლება, ცოტა არ იყოს უცნაურია.

სიის ჩვენებასთან დაკავშირებით, გამოიარეთ ოფისში.

ჩიორა, ძვირფასო, მახსოვს, არგუმენტებზე არგუმენტებით პასუხობდი :)

P. S. ჭორების ირგვლივ ადამიანების კონსოლიდაცია საინტერესო სოციალური ექსპერიმენტია. გისურვებთ წარმატებას, ოღონდ გაითვალისწინეთ, თანამედროვე საქართველოში ამ მიმართულებით დიდოსტატი მაინც ბატონიბიძინია’’, - წერს სერგო რატიანი.

ნინო ექვთიმიშვილი