პოლიტიკა

ჩინოვნიკებისა და მინისტრების კომფორტის გამო ათეულობით მილიონი ლარი უნდა მოაკლდეს სოციალურად დაუცველებს, პენსიონერებსა თუ ეკონომიკის განვოთარების პროგრამებს - ირაკლი აბესაძე

საპარლამენტო ფრაქცია „ევროპული საქართველოს“ წევრი, ირაკლი აბესაძე გამოეხმაურა პრემიერ-მინისტრის ინიციატივას ორთაჭალაში სამთავრობო ქალაქის მშენებლობის შესახებ. აბესაძის თქმით, ამ პროექტის დაფინანსების გამო სოციალური და სხვა პროგრამების სუბსიდირება შეფერხდება.

„ბიუროკრატიულ ფუფუნებაზე უარის ვერთქმის გამო მათ გაზარდეს გადასახადები და დღეს მოსახლეობას უწევს საწვავსა და სხვა პროდუქტებში გაცილებით მეტის გადახდა, ვიდრე ეს იყო მანამდე. ახლა კი კვირიკაშვილი აანონსებს, რომ საბიუჯეტო სახსრებიდან ათეულობით მილიონი ლარი უნდა დაიხარჯოს კვლავ კომფორტის მოწყობაზე ჩინოვნიკებისთვის, მინისტრებისთვის და ეს თანხა უნდა მოაკლდეს იმ სოციალურად დაუცველებს, პენსიონერებსა თუ ეკონომიკის განვოთარების პოგრამებს, რომელიც მნიშვნელოვანია ქვეყნის წინსვლისა და განვითარებისთვის“, - განაცხად აბესაძემ.

დღეს მთავრობის სხდომაზე გამოთქმული ინიციატივის მიხედვით, სამთავრობო ქალაქში ყველა სამინისტრო განთავსდება, ზოგიერთი გამონაკლისის გარდა. როგორც პრემიერ-მინისტრმა გიორგი კვირიკაშვილმა აღნიშნა, ერთიანი სივრცის შექმნა სამთავრობო უწყეებებისთვის გააუმჯობებესებს მათი მომსახურების ხარისხს. მისივე თქმით, ამ პროექტისთვის გამოყოფილია დიდი ტერიტორია ორთაჭალაში.

ანა მებურიშვილი