სამართალი

ჩემზე მას შემდეგ დაიწყეს საუბარი, რაც სასამართლოს ლიდერად ჩამოვყალიბდი - ლევან მურუსიძე

მე არ ვარ ისტორიაში პირველი შემთხვევა, ვისაც უსამართლოდ ჩაგრავენ, – განაცხადა მოსამართლე ლევან მურუსიძემ იუსტიციის უმაღლესი საბჭოს სხდომაზე.

როგორც ლევან მურუსიძემ აღნიშნა, ის პრობლემა გახდა მაშინ, როდესაც სასამართლოს რეალურ ლიდერად ჩამოყალიბდა.

„ჩემ შესახებ მას შემდეგ დაიწყეს ლაპარაკი, როცა სასამართლოს ლიდერად ჩამოვყალიბდი, რომელსაც სურდა სასამართლოს კონტინგენტის შენარჩუნება, რომ მოსამართლეები დროზე ადრე არ გაეშვათ. მე ვიყავი ამის პრინციპული წინააღმდეგი. მურუსიძე პრობლემა გახდა მაშინ, როცა სასამართლოს რეალურ ლიდერად ჩამოყალიბდა“, – განაცხადა ლევან მურუსიძემ.