სამართალი

ჩემმა შვილმა ამოიცნო, რომ არის ნაცემი როსტომაშვილისგან და აი, ამიტომ კაცურად სცემა - ბრალდებულის დედა

იუმორისტ დავით როსტომაშვილზე თავდასხმაში ბრალდებულის, ბექა კირვალიძის დედა აცხადებს, რომ როსტომაშვილი პენიტენციურ დაწესებულებაში მუშაობისას მის შვილს სცემდა.

ლელა ბეჟაშვილის თქმით, 2017 წლის 14 ივნისს კირვალიძე როსტომაშვილს შურისძიების მოტივით დაესხა თავს. კირვალიძის დედა ითხოვს მისი შვილის მიმართ წარდგენილი ბრალიდან ყაჩაღობის მოტივი ამოიღონ.

"როსტომაშვილი არა მარტო ჩემს შვილს, არამედ ძალიან ცუდად უსწორდებოდა პატიმრებს, ჩემმა შვილმა ამოიცნო, რომ არის ნაცემი როსტომაშვილისგან და აი, ამიტომ კაცურად სცემა ჩემმა შვილმა და დავით როსტომაშვილმა ყაჩაღობის მუხლით აღუძრა საქმე სამ უდანაშაულო ბიჭს“- ამბობს ბექა კირვალიძის დედა ლია ბეჟაშვილი.

მსახიობ და იუმორისტ დავით როსტომაშვილზე თავდასხმის საქმეზე დღეს სასამართლოში მსახიობის შვილი ქეთევან როსტომაშვილი დაიკითხა. მან სასამართლოს ჩვენებას დახურულ სასამართლო სხდომაზე მისცა. ქეთევან როსტომაშვილი 2017 წლის 14 ივნისს, თავდასხმისას მამამისთან ერთად იმყოფებოდა.

თავდაპირველად ბექა კირვალიძე როსტომაშვილის ცემისთვის დააკავეს, თუმცა გამოძიება ყაჩაღობის ფაქტზე მიმდინარეობს.

მასთან ერთად დაკავებულია მისი 2 მეგობარიც, ზურაბ ქუთელია და არტიომ აგაჯანოვი.

ნინო ექვთიმიშვილი