სამართალი

ჩემი როლი ვერ იქნება გიორგი მამალაძესთან დაკავშირებით სასამართლოს გადაწყვეტილების კრიტიკა- თეა წულუკიანი

იუსტიციის მინისტრის თეა წულუკიანის განცხადებით, გიორგი მამალაძესთან დაკავშირებით სასამართლომ ამ ეტაპზე საჭიროდ მიიჩნია პატიმრობის შეფარდება.

მინისტრის თქმით, ყველამ უნდა დაელოდოს გამოძიების საბოლოო სიტყვას, რის შემდეგაც, მხარეები ერთმანეთს მოსამართლის წინაშე შეეჯიბრებიან.

„სასამართლომ ამ ეტაპზე, ამ საქმეზე საჭიროდ მიიჩნია აღკვეთის ღონისძიების სახით პატიმრობის შეფარდება. ამიტომ, ჩემი როლი ვერ იქნება ამ გადაწყვეტილების კრიტიკა. მთავარია, რომ პრევენციული ზომები სამართალდამცავების მხრიდან დროულად განხორიცილდა. ტრაგედია იქნა აცილებული თავიდან. ახლა კი, გამოძიების სიტყვაა. უნდა დაველოდოთ და მოვუსმინოთ ყველამ და შემდეგ უკვე მხარეები ერთმანეთს შეეჯიბრებიან მხარეთა თანასწორობის პრინციპის დაცვით, მოსამართლის წინაშე, რომელიც არის უზენაესი არბიტრი და მიიღებს შესაბამის გადაწყვეტილებას“,-აღნიშნა თეა წულუკიანმა.

მონიკა დავლიანიძე