სამართალი

ჩემი ინფორმაციით, ფარულად მოხდა ზურაბ ჟვანიას გვამის ექსჰუმაცია - მურთაზ ზოდელევა

ჩემი ინფორმაციით, ფარულად მოხდა ზურაბ ჟვანიას გვამის ექსჰუმაცია, შესაბამისი ექსპერტიზის ჩატარება და არაფერი არ აღმოჩნდა, - განაცხადა ტელეკომპანია ”რუსთავი 2”-ის გადაცემა ,,არჩევანში’’ ყოფილმა მთავარმა პროკურორმა მურთაზ ზოდელავამ.

მისივე თქმით, სავარაუდოდ, ამის შესახებ გარდაცვლილი პრემიერის ოჯახმაც იცის, თუმცა ,,არ ახმაურებენ.’’

„ჩემი ინფორმაციით, ფარულად მოხდა ზურაბ ჟვანიას გვამის ექსჰუმაცია, შესაბამისი ექსპერტიზის ჩატარება და არაფერი არ აღმოჩნდა. ამ საკითხის მიმართ ხელისუფლებამ დაკარგა ყოველგვარი ინტერესი, ამიტომაც გოგლა ჟვანია არ იყო საპარლამენტო სიაში, ნინო ქადაგიძე-ჟვანია არ არის მინისტრის პირველი მოადგილე. ადამიანები, რომლებიც ციხეში ისხდნენ, პატიმრობაში აბსოლუტურად არაფრის გამო იმყოფებდნენ. იმ მითის ექსპლუატაცია ხდებოდა ბოლომდე, მაგრამ ეს მითი გაქარვებულია. ბატონი გოგლა ჟვანია ახლა იმაზე საუბრობს, რომ ზურაბ ჟვანია იყო მოწამლული. მანამდე მისი ვერსია იყო, რომ მოხდა ფიზიკური ზემოქმედება. ამ კონკრეტულმა საქმემ აჩვენა, რომ არ შეიძლება მისი პოლიტიზირება და ამ საკითხიდან პოლიტიკური დივიდენდების მიღება, თუმცა, ეს მოხდა. გამოძიების პირველადი ვერსია იყო სწორი”, - განაცხადა მურთაზ ზოდელავამ.

ნინო ექვთიმიშვილი