პოლიტიკა

ჩემი ინფორმაციით დავით უსუფაშვილთან გარკვეული კონსულტაცია უკვე გაიმართა - მამუკა მდინარაძე

პარლამენტის იურიდიულ საკითხთა კომიტეტის თავმჯდომარის ეკა ბესელიას განცხადებით, პარლამენტის მოქმედი თავმჯდომარე, ყოფილ კოლეგას დავით უსუფაშვილს საკონსტიტუციო კომისიის მუშაობაში მონაწილეობის მიღებასთან დაკავშირებით შეთავაზებას საჯაროდ გაუკეთებს.

ამის შესახებ ბესელიამ მედიას, პარლამენტის თავმჯდომარესთან გამართული შეხვედრის შემდეგ განუცხადა.

ჟურნალისტების კითხვაზე, იქნება თუ არა უსუფაშვილი კომისიაში, ბესელიამ უპასუხა, რომ „შესაძლებელია“.

„განსაკუთრებული კონსულტაცია მე ვფიქორბ ამას არ სჭირდება. შეთავაზება გაკეთდება საჯაროდ ყველა იმ პირისთვის ვინც იქნება სასურველი, რომ ამ პროცესში ჩაერთოს“,-აღნიშნა ბესელიამ.

საპარლამენტო უმრავლესობის წევრის მამუკა მდინარაძის განცხადებით კი, მისი ინფორმაციით, დავით უსუფაშვილთან გარკვეული კონსულტაცია გაიმართა, და თუ პარლამენტის ყოფილი თავმჯდომარე შეთავაზებაზე უარს იტყვის, ეს მხოლოდ მისი გადაწყვეტილება იქნება.

„მე როგორც მაქვს ინფორმაცია, თუ ამ კომისიის წვერი ის არ იქნება, ეს იქნება მხოლოდ მისი გადაწყვეტილება. როგორც ვიცი, მასთან გარკვეული კონსულტაცია იყო და თუ ის არ იქნება შემადგენლობაში, ეს იქნება მისი გადაყწვტილება“,-აღნიშნა მდინარაძემ.

მონიკა დავლიანიძე