პოლიტიკა

ჩემი და მთავრობის პოზიციაა, რომ მიწა უცხოელებზე არ უნდა გასხვისდეს -კახა კალაძე

საქართველოს ვიცე-პრემიერისა და ენერგეტიკის მინისტრის, კახა კალაძის განცხადებით, მისი და მთავრობის პოზიციაა, რომ ქართული მიწები უცხოელებზე არ გასხვისდეს.

„მე მოგახსენებთ მთავრობის მეთაურისა და ასევე ჩემს პოზიციას სასოფლო სამეურნეო მიწებთან დაკავშირებით. ჩვენი პოზიციაა, რომ სასოფლო-სამეურნეო მიწები უცხოელებზე არ უნდა გასხვისდეს. ეს არის როგორც პრემიერ-მინისტრის, ასევე ჩემი და მთავრობის წევრების პოზიცია. შესაბამისად, პარლამენტში ამაზე მსჯელობენ და გადაწყვეტილებას ამასთან დაკავშირებით, დარწმუნებული ვარ, მიიღებენ“,- განაცხადა კახა კალაძემ.

მან აღნიშნა, რომ მიწა უცხოელებზე მხოლოდ განსაკუთრებულ შემთხვევებში უნდა გასხვისდეს. კალაძის თქმით, ეს საკითხი „ალბათ კონსტიტუციაში აისახება“.

ანა მებურიშვილი