პოლიტიკა

ჩანაწერები სპორტის ყოფილი მინისტრის მონაწილეობით აჩვენებს, რომ რაღაცას მალავენ, რაც შეუსაბამოა კანონის უზენაესობასთან - ანა გომესი

ევროპარლამენტარი ანა გომესი „ომეგა ჯგუფის“ საქმეზე გავრცელებულ ჩანაწერებს გამოეხმაურა. მისი შეფასებით, სპორტისა და ახალგაზრდობის ყოფილი მინისტრის, ლევან ყიფიანის მონაწილება ეჭვს აჩენს, რომ შეიძლება, ამ საქმეში უფრო მნიშვნელოვანი იმალებოდეს, რაც კანონის უზენაესობასთან შეუსაბამოა.

„შესაძლოა, იყოს „იბერიაში“ გადასახადებისთვის თავის არიდების რაღაც სქემა, მაგრამ ჩანაწერები სპორტის ყოფილი მინისტრის მონაწილეობით აჩვენებს, რომ რაღაცას მალავენ, რაც შეუსაბამოა კანონის უზენაესობასთან. წინა ვიზიტისას შევხვდი არასამთავრობო ორგანიზაციებს და ვნახე მათი განცხადება არაფორმალურ მმართველობასთან დაკავშირებით. ვნახე თავდასხმები სამოქალაქო სექტორზეც, რაც ძალიან სერიოზულია,“-განაცხადა ანა გომესმა.