კომენტარი

ბურჯანაძის მიერ „ევროპულ საქართველოზე“ თავდასხმა, ივანიშვილისთვის ფულის თხოვნის ახალი გზაა - ირაკლი კიკნაველიძე

„ევროპული საქართველოს“ წევრის ირაკლი კიკნაველიძის თქმით, პარტიამ მთელი ქვეყნის მასშტაბით 10-მდე რაიონში გავიდა მეორე ადგილზე და ჯამში 160 ათასი ხმა აიღო, მათ შორისაა საჩხერეც.

ასე გამოეხმაურა კიკნაველიძის „დემოკრატიული მოძრაობის“ლიდერის მიერ გაკეთებულ განცხადებას“,რომლის მიხედვით, „ივანიშვილმა ბრძანება გასცა, რომ სხვადასხვა მანიპულაციების შედეგად „ევროპული საქართველოსთვის“ ხმების ხელოვნური მომატება მომხდარიყო”.

„სასაცილოა ქალბატონი ბურჯანაძის მხრიდან მსგავსი კომენტარი, რადგან მის პარტიას საჩხერეში პარტიული სიაც კი არ წარუდგენია, ანუ ამ რაიონში არჩევნებში მონაწილეობა საერთოდ არ მიუღია. როგორც ჩანს, „ევროპულ საქართველოზე“ ამგვარი თავდასხმა, ბურჯანაძის მიერ ივანიშვილისთვის ფულის თხოვნის ახალი გზაა“,- განაცხადა კიკნაველიძემ.

მონიკა დავლიანიძე