პოლიტიკა
ბულგარეთის საპარლამენტო დელეგაცია საქართველოს წარმატებას ევროინტეგრაციის გზაზე შთამბეჭდავს უწოდებს
ვიცე პრემიერი, საქართველოს საგარეო საქმეთა მინისტრი მიხეილ ჯანელიძე ბულგარეთის რესპუბლიკის ეროვნული ასამბლეის საგარეო საქმეთა კომიტეტის დელეგაციას შეხვდა, რომელსაც კომიტეტის თავმჯდომარე ჯემა გროჟდანოვა ხელმძღვანელობდა.
მიხეილ ჯანელიძე მიესალმა დელეგაციის ვიზიტს საქართველოში, რომელიც განსაკუთრებული მნიშვნელობის მატარებელია ბულგარეთის ევროკავშირის საბჭოს თავმჯდომარეობის გათვალისწინებით.
შეხვედრაზე საგარეო საქმეთა მინისტრმა ხაზი გაუსვა ორ ქვეყანას შორის საუკუნეების მანძილზე ჩამოყალიბებულ ისტორიული კავშირებს და აღნიშნა, რომ საქართველო დიდ მნიშვნელობას ანიჭებს ორმხრივი ურთიერთობების განვითარებას ბულგარეთთან. მან მადლობა გადაუხადა ბულგარეთის დელეგაციას საქართველოს სუვერენიტეტისა და ტერიტორიული მთლიანობის მხარდაჭერისთვის, აგრეთვე, ჩვენი ქვეყნის ევროპული და ევრო-ატლანტიკური ინტეგრაციის გზაზე გაწეული დახმარებისთვის. ვიცე პრემიერმა გამოჰყო ბულგარეთის საელჩოს წვლილი, რომელიც 2017-2019 წლებში საქართველოში ნატო-ს საკონტაქტო საელჩოს ფუნქციებსაც ასრულებს.
ჯემა გროჟდანოვამ, თავის მხრივ, აღნიშნა საქართველოს მიერ განხორციელებული რეფორმები და შთამბეჭდავი უწოდა ევროკავშირთან ინტეგრაციის მხრივ საქართველოს მიერ მიღწეულ პროგრესს, მათ შორის, განსაკუთრებით გამოჰყო შენგენის წევრ ქვეყნებში საქართველოს მოქალაქეებისთვის უვიზო მიმოსვლა, ასოცირების შესახებ შეთანხმების ამოქმედება, ასევე, ენერგო გაერთიანებაში გაწევრიანება. მან დაადასტურა, რომ ბულგარეთი მომავალშიც გააგრძელებს საქართველოს აქტიურ მხარდაჭერას, როგორც ევროკავშირთან, ისე ნატო-ში შემდგომი ინტეგრაციის მხრივ.
მხარეებმა ხაზი გაუსვეს პარლამენტთაშორისი თანამშრომლობის განვითარების მნიშვნელობას, აღინიშნა დაგეგმილი ვიზიტების და საპარლამენტო მეგობრობის ჯგუფების როლი. შეხვედრაზე აღინიშნა, რომ მხარეები გააგრძელებენ აქტიურ მუშაობს ორი ქვეყნის დამაკავშირებელი შავი ზღვის პოტენციალის სრულად ასათვისებლად, მათ შორის, ეკონომიკური და სატრანსპორტო პროექტების განხორციელების და ორ ქვეყანას შორის პირდაპირი საჰაერო მიმოსვლის ამოქმედების აუცილებლობის მხრივ.
შეხვედრის შემდეგ დელეგაციის წევრები ქუთაისში გაემგზავრნენ, სადაც ორი დღის განმავლობაში სამუშაო შეხვედრებს გამართავენ თავიანთ ქართველ კოლეგებთან.
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14
