პოლიტიკა

ბუგაისკი: პენსის ვიზიტი გზავნილია, რომ საქართველო რეგიონში მნიშვნელოვანი მოთამაშეა

ევროპული პოლიტიკის კვლევის ცენტრის უფროსი მკვლევარი და ვეტერანი ანალიტიკოსი იანუშ ბუგაისკი „ამერიკის ხმასთან“ ინტერვიუში საქართველო-ამერიკის ურთიერთობაზე და იმ გზავნილებზე საუბრობს რასაც აშშ უგზავნის სხვა ქვეყნებს, ვიცე-პრეზიდენტ მაიკლ პენსის საქართველოში ჩასვლით.

„ვფიქრობ, ეს ძალიან მნიშვნელოვანი გზავნილია. საქართველო რეგიონში მნიშვნელოვან მოთამაშედ რჩება. ის ამერიკისათვის მნიშვნელოვანი [პარტნიორია]. საქართველოს მისწრაფებებს, შეუერთდეს ნატოს, დასავლეთში სერიოზულად აღიქვამენ, იმის მიუხედავად, რომ ინტეგრაცია, შესაძლოა, ხანგრძლივი პროცესი იყოს. [პენსის სტუმრობა] გზავნილია რუსეთისთვისაც, რომ შეერთებულ შტატებს თბილისისაგან დისტანცირებაზე არ უფიქრია და რომ რუსეთს ქვეყნის დანაწევრების უფლებას არ მისცემს. ამგვარად, მიმაჩნია, რომ ვიზიტი მნიშვნელოვანია საქართელოსთვის და მნიშვნელოვანია უკრაინისთვისაც. იმედია, პენსის სტუმრობას მნიშვნელოვანი განცხადებები და შესაძლო ახალი ინიციატივები მოჰყვება, რომელიც საქართელოს ნატოსკენ სვლას გაუადვილებს“, - აცხადებს იანუშ ბუგაისკი.