სამართალი

ბრალდების მხარე ბუტა რობაქიძის საქმეზე კახაბერ აზარიაშვილის დაკითხვის საჭიროებას ვერ ხედავს

თბილისის საქალაქო სასამართლო შს სამინისტროს ყოფილი მაღალჩინოსნების მიერ უფლებამოსილების გადამეტების ბრალდებაზე მსჯელობს. საუბარია ბუტა რობაქიძის საქმეზე.

დაცვის მხარე საქმის ერთ-ერთი მოწმის კახაბერ აზარიაშვილის დაკითხვას მოითხოვს. მათი მტკიცებით, კახაბერ აზარიაშვილი 2006 წელს დაწერილ განცხადებაში აღნიშნავს, რომ ბუტა რობაქიძესთან ერთად ავტომობილში იმყოფებოდა და თან ცეცხლსასროლი იარაღი ჰქონდა.

საქმის პროკურორი კი აცხადებს, რომ აზარიაშვილის დაკითხვის საჭიროება ამ დროისთვის არ დგას.

„ბრალდების მხარე განსაზღვრავს მოწმეთა დაკითხვის მიმდინარეობას. ამ ეტაპზე მტკიცებულებების გამოკვლევა ხდება. შესაბამისად, ჩვენი სტრატეგიიდან გამომდინარე, ჯერჯერობით იკითხებიან ის მოწმეები, რომლებსაც ბრალდების მხარე წარმოადგენს - გადაცემა „პატრულთან“ დაკავშირებით და ადგილზე მისული პატრულ-ინსპექტორების დაკითხვა ხდება. შემდეგ კი დაიკითხებიან ისინი, ვინც დასაკითხთა სიაში გვყავს შეყვანილი“, - განაცხადა საქმის პროკურორმა გიორგი ოსაძემ.

ნინო ექვთიმიშვილი