პოლიტიკა

ბოლო 6 წლის განმავლობაში „ქართულმა ოცნებამ“ დაამკვირდა ძალადობა... მათგან მოდის დესტაბილიზაციის საფრთხე - სერგო რატიანი

„ევროპული საქართველოს“ ერთ-ერთმა ლიდერმა, სერგო რატიანმა წინასაარჩევნო გარემოსთან დაკავშირებით ევროკავშირის წარმომადგენლის განცხადების შეფასებისას განაცხადა, რომ დესტაბილიზაციის საფრთხე ხელისუფლებისგან მოდის. მისივე მტკიცებით, ოპოზიცია და არასამთავრობო სექტორი სტაბილურობისა და არჩევნების მშვიდობიანად ჩატარების გარანტები არიან.

„ამის საფუძველი არის „ქართული ოცნება“, რომელმაც ბოლო 6 წლის განმავლობაში დაამკვიდრა ძალადობა, სიძულვილის ენა და ძალადობრივი ქმედებები, როგორიც იყო ახალქალაქში. ქართული საზოგადოება, ოპოზიცია და ასევე არასამთავრობოები ვართ გარანტი ამ ქვეყანაში იმისა, რომ იქნება სტაბილურობა, მშვიდობიანად ჩაივლის არჩევნები და „ქართული ოცნება“ ყოველგვარი დიდი რყევების გარეშე მოსცილდება ხელისუფლებას. დღეს ამის გარანტი ვერ არის ხელისუფლება, მათგან მოდის დესტაბილიზაციის საფრთხე“, - განაცხადა რატიანმა.