პოლიტიკა

ბოჭორიშვილმა სამინისტრო სამარცხვინო კანტორად აქცია, რომელიც ხან ერთ დიპლომატს „ებლატავება“ და ხან მეორეს - გრიგოლ გეგელია

გაერთიანებული სამეფოს ელჩის დაბარება არის კომიკური ცირკის გაგრძელება, რასაც ჰქვია ბოჭორიშვილის საგარეო საქმეთა სამინისტრო, – ამის შესახებ „ლელო – ძლიერი საქართველოს“ წევრმა, გრიგოლ გეგელიამ განაცხადა.

„ნაცვლად იმისა, რომ ამ საგარეო საქმეთა სამინისტროს რომელიმე საგარეო პოლიტიკური მიზანი და ამოცანა აღესრულებინა, ინვესტიციები შემოეტანა, ევროკავშირთან ადეკვატური ურთიერთობები ეწარმოებინა და საქართველოს კონსტიტუციით მასზე დაკისრებული ფუნქციები შეესრულებინა, ბოჭორიშვილმა ეს სამინისტრო სამარცხვინო კანტორად აქცია, რომელიც ხან ერთ დიპლომატს „ებლატავება“ და ხან მეორეს. არცერთი სხვა სიკეთე ამ ე.წ. სამინისტროს არ გამოუღია. კომიკურია მათზე საუბარი, ისინი არღვევენ საქართველოს საგარეო პოლიტიკურ მიზნებს და ამოცანებს. ბოჭორიშვილი არის ყველა დროის ყველაზე დაბალი დონის საგარეო საქმეთა მინისტრი, რაც ამ ქვეყანას ჰყოლია და ვხედავთ, რომ ის მიზანმიმართულად და სისტემატურად უთხრის ძირს ყველა იმ საფუძველს, რაზეც ოდესმე მდგარა ქართული საგარეო პოლიტიკა“, – განაცხადა გეგელიამ.