პოლიტიკა

ბიუჯეტი არ გვაძლევს საშუალებას 25 მილიონი გადავუხადოთ ,,სითი პარკს’’ და გამოვისყიდოთ მისგან კონტრაქტი - დავით ნარმანია

დედაქალაქის მერის, დავით ნარმანიას განცხადებით, ,,სითი პარკთან’’ ხელშეკრულება არც 2017 წელს გაუქმდება.

როგორც ნარმანიამ ჟურნალისტებთან საუბრისას აღნიშნა, კომპანიასთან კონტრაქტი წინა ხელისუფლების დროს გაფორმდა და მისი პირობები ხელშეკრულების გაწყვეტის საშუალებას არ აძლევს.

,,მნიშვნელოვანიa, რომ უსაფუძვლო განცხადებები იყოს გამყარებული ციფრებით და გამყარებული არგუმენტებით. როცა არ გვაძლევს ბიუჯეტი საშუალებას, რომ 25 მილიონი გადავუხადოთ ,,სითი პარკს’’ და გამოვისყიდოთ მისგან კონტრაქტი, ერთი მხრივ და მეორე მხრივ, როცა არ არის შესაბამისი ბერკეტები, უმჯობესია პასუხი მოვთხოვოთ იმ ხალხს, ვინც ასეთი კაბალური ხელშეკრულება დადეს. ასე რომ, მე საკრებულოს ამ წევრების ადგილას მივუბრუნდებოდი იმ ადამიანებს და მოვთხოვდი პასუხს’’, - განაცხადა დავით ნარმანიამ.

ნინო ექვთიმიშვილი