პოლიტიკა

ბიძინა ივანიშვილის იძულება, ჩრდილიდან გამოსულიყო, ადასტურებს, რომ ღრმა კრიზისია როგორც „ქართულ ოცნებაში“, ისე მთელ ქვეყანაში - გიგა ბოკერია

„ევროპული საქართველოს“ ერთ-ერთი ლიდერის, გიგა ბოიკერიას შეფასებით, ბიძინა ივანიშვილის დაბრუნება პოლიტიკაში მიუთითებს ქვეყანაში არსებულ ღრმა კრიზისზე.

„ქართული ოცნების“ რეალური მმართველის იძულება, რომ ჩრდილიდან გამოსულიყო, ადასტურებს იმას, რაც მთელმა ქვეყანამ იცის, რომ ღრმა კრიზისია როგორც „ქართულ ოცნებაში“, ისე მთელ ქვეყანაში. მაგრამ ეს ამბავი ქვეყანას ვერ უშველის. ქვეყანას უშველის მხოლოდ ერთი რამ - ივანიშვილით დაწყებული გიორგი კვირიკაშვილით დამთავრებული, მთელი ამ გუნდის ჩამოცილება ხელისუფლებიდან არჩევნების გზით და მერე მუშაობა ქვეყნის წინსვლაზე. მეტი არაფერი უშველის ჩვენს ქვეყანას, რომელიც ჩიხში შეიყვანა ივანიშვილმა თავისი გუნდითა და მმართველობით“, - თქვა ბოკერიამ.

დღევანდელ ბრიფინგზე ქვეყნის პრემიერმა გიორგი კვირიკაშვილმა განაცხადა, რომ ბიძინა ივანიშვილი პარტია „ქართული ოცნება-დემოკრატიულ საქართველოს“ თავმჯდომარეობას დათანხმდა.