პოლიტიკა

ბერა ივანიშვილი არის საქართველოს მოქალაქე და მასაც ისევე აქვს უფლება, გამოხატოს თავისი პოზიცია - სოზარ სუბარი „რეპერების საქმეზე“

და განსახლების მინისტრი, სოზარ სუბარი ჯგუფ „ბირჟა მაფიის“ საქმეს გამოეხმაურა. მისი თქმით, გამოძიება ორ ვერსიას განიხილავს.

„ერთი მიმართულება ეს არის, ჰქონდათ თუ არა ამ ბიჭებს დიდი რაოდენობით ნარკოტიკი და მეორე, ჰქონდა თუ არა მათ მიმართ პოლიციელების მხრიდან უფლებამოსილების გადამეტებას ადგილი. ორივე მიმართულებით მიდის ძიება და სანამ გამოძიება დამთავრდება, ორივე მიმართულებით არსებობს ლეგიტიმური ეჭვი, რომ ან შეიძლება ერთი მომხდარიყო ან მეორე“, - განაცხადა სუბარმა.

სუბარმა გამორიცხა, რომ ბერა ივანიშვილს გავლენა მოეხდინა საქმის მიმდინარეობაზე.

„მივყვეთ ლოგიკურ თანამიმდევრობას, ამ საკითხთან დაკავშირებით პრემიერ-მინისტრის განცხადება წინ უსწრებდა ყველა სხვა განცხადებას. ბერა ივანიშვილი არის ამ ქვეყნის მოქალაქე და მასაც ისევე აქვს უფლება, გამოხატოს თავისი პოზიცია, თუნდაც ერთწინადადებიანი, ან მრავალწინადადებიანი, როგორც ნებისმიერ სხვას“, - განაცხადა სუბარმა.

ანა მებურიშვილი