სამართალი
ბექა წიქარიშვილს 14-დღიანი ადმინისტრაციული პატიმრობა მიუსაჯეს
თბილისის საქალაქო სასამართლოს მოსამართლემ ლაშა თავართქილაძემ „თეთრი ხმაურის“ მოძრაობის წევრს, ბექა წიქარიშვილს 14 დღით ადმინისტრაციული პატიმრობა შეუფარდა.
სასამართლო პროცესზე წიქარიშვილმა ადმინისტრაციული სამართალდარღვევა აღიარა.
„ვადასტურებ ამ ქმედებას. ეს გამოწვეული იყო გიორგი გიორგანაშვილის მიმართ გამოტანილი განაჩენით. ამაღელვებელი იყო და მძიმე. სხვა მოლოდინი გვქონდა. სასამართლო დაეყრდნო ორი პოლიციელის ჩვენებებს. ყველას გვქონდა გამამართლებელი განაჩენის მოლოდინი. იმავე მოსამართლემ გაათავისუფლა გიორგანაშვილი, აღკვეთის ღონისძიება შეუცვალა და მოულოდნელად მოხდა ასეთი რამ. ვეთანხმები სამართალდარღვევის ოქმს“, – განაცხადა წიქარიშვილმა.
„თეთრი ხმაურის“ მოძრაობის წევრი მსახიობ თორნიკე ბზიავასთან ერთად გიორგი გიორგანაშვილის მიმართ გამამტყუნებელი განაჩენის გამოცხადების შემდეგ მანდატურის სამსახურის თანამშრომლებმა დააკავეს. სამართალდამცველთა ინფორმაციით, აქტივისტმა სასამართლოს შენობას პროტესტის ნიშნად აგური ესროლა.
წიქარიშვილს ბრალი წარუდგინეს ადმინისტრაციულ სამართალდარღვევათა კოდექსის სამი მუხლით, რაც გულისხმობს ხულიგნობას, სხვისი ნივთის დაზიანებასა და სამართალდამცავებისადმი დაუმორჩილებლობას.
საკვანძო სიტყვები:
მიგრაციის დეპარტამენტის თანამშრომლებმა საქართველოდან უცხო ქვეყნის 105 მოქალაქე გააძევეს
24 მარტი, 2026 , 13:07
თბილისის საქალაქო სასამართლომ ელენე ხოშტარიას ერთი წლითა და ექვსი თვით თავისუფლების აღკვეთა შეუფარდა
24 მარტი, 2026 , 12:55
ნიკა მელიას საქმე არსებითად განსახილველად სასამართლოს გადაეცა - გადაწყვეტილება მოსამართლე ვალერიან ბუგიანიშვილმა მიიღო
23 მარტი, 2026 , 13:58
სახალხო დამცველმა თბილისის საქალაქო სასამართლოში ბრალდებულ პაატა მანჯგალაძის საქმეზე სასამართლოს მეგობრის მოსაზრება წარადგინა
23 მარტი, 2026 , 12:27
შსს-მ აჭარაში სპეცოპერაციის შედეგად „ქურდულ სამყაროსთან“ კავშირში მყოფი 72 პირი დააკავა, კიდევ ხუთ პირს ბრალი წარედგინა, მათ შორის ე.წ. კანონიერ ქურდს
17 მარტი, 2026 , 15:08
დაცვის პოლიციის დეპარტამენტისა და საპატრულო პოლიციის დეპარტამენტის ორი თანამშრომელი დააკავეს
17 მარტი, 2026 , 13:02
