პოლიტიკა

ბათუმში ნატოს საპარლამენტო ასამბლეის სემინარი მიმდინარეობს

ევროატლანტიკური ინტეგრაცია და რეფორმის დღის წესრიგი, ნატო-საქართველოს მიღწევები და პერსპექტივები, უსაფრთხოება შავი ზღვის რეგიონში -ამ საკითხებზე იმსჯელებენ ნატოს საპარლამენტო ასამბლეის სემინარზე, რომელიც ბათუმში სამი დღის განმავლობაში გაგრძელდება.

დღეს, გახსნის ოფიციალური ცერემონიის შემდეგ, ნატოს საპარლამენტო ასამბლეის პრეზიდენტმა საქართველოს პრეზიდეტთან პირისპირ მოლაპარაკება გამართა.

პრეზიდენტის საპარლამენტო მდივანის ანა ნაცვლიშვილის განცხადებით, საუბარი მედიის, სასამართლო დამოუკიდებლობისა და კონსტიტუციის საკითხებსაც შეეხო.

„საქართველოს პრეზიდენტისა და ნატოს საპარლამენტო ასამბლეის პრეზიდენტს შორის შეხვედრაზე დაისვა ის საკითხები, რომელიც ეხება საგარეო გამოწვევებს და ქვეყნის უსაფრთხოების მიმართულებით გამოწვევებს.

ასევე მნიშვნელოვანი ნაწილი დაეთმო ქვეყნის შიგნით დემოკრატიის წინაშე არსებულ პრობლემებს.

იყო საუბარი ისეთ საკითხებზე, როგორიც არის მედიის მიმართულებით არსებული პრობლემები, სასამართლოს დამოუკიდებლობის მიმართულებით არსებული პრობლემები, ერთპარტიული კონსტიტუციის მიღება“-განაცხადა ანა ნაცვლიშვილმა

ცირა გურგენიძე