სამართალი

ბათუმის მოვლენებთან დაკავშირებით კიდევ რამდენიმე პირი დააჯარიმეს

ბათუმის მოვლენებთან დაკავშირებით, ადმინისტრაციულ საქმეზე დაკავებულთა სასამართლო პროცესზე წვრილმანი ხულიგნობისა და პოლიციელების კანონიერ მოთხოვნაზე დაუმორჩილებლობისთვის კიდევ რამდენიმე პირი დაჯარიმდა: ჯაბა დავითაშვილი 250 ლარით, გიორგი კერესელიძე 250 ლარით, ნიკოლო თოთლაძე 100 ლარით და ალმასხან კაკაბაძე 100 ლარი.

ხანგრძლივი აღმოჩნდა ზაზა ცინცაძის პროცესი, რომელმაც წარდგენილი ბრალდება უარყო. მისი თქმით, აქციაზე ღამის 4 საათზე მივიდა, თუმცა მას აქციაში მონაწილეობა არ მიუღია. მტკიცებელებების არქონის გამო, მის მიმართ საქმის წარმოება შეწყდა.

სამართალდამრღვევი, მამუკა ბერიძისს გამოუცხადებლობის გამო უკვე მეორედ გადაიდო სასამართლო პროცესი. როგორც ახლობლები აცხადებენ, მამუკა ბერიძე დიაბეტით არის დაავადებული და სხდომაზე ჯანმრთელობის მდგომარეობის გამო ვერ ცხადდება.

სასამართლო დღესვე გამოაცხადებს გადაწყვეტილებას ჯიმი ვარშანიძისა და რამაზ ხიმშიაშვილის საქმეზე, სწორედ ისინი დააკავეს პირველები 11 მარტს ბათუმი პლაზასთან.

ორივე მათგანი არასწორი პარკინგისთვის საპატრულო პოლიციამ ჯერ დააჯარიმა, ხოლო შემდეგ როგორც ბრალდების მხარემ განმარტა, წინააღმდეგობის გაწევისა და სიტყვიერი შეურაცხყოფისთვის დააკავა.

ნინო ექვთიმიშვილი