სამართალი

ბათუმის მოვლენებისთვის დაკავებული 9 პირის სასამართლო პროცესი 21 ივნისისთვის გადაიდო

ბათუმის 11-12 მარტის მოვლენებისთვის დაკავებული 9 პირის სასამართლო პროცესი 21 ივნისისთვის გადაიდო.

დღევანდელ პროცესზე, პროკურატურის მიერ წარმოდგენილ მოწმეებს მოუსმინეს და საქმის გამომძიებელი დაიკითხნენ.

სხდომას საკუთარი განცხადების საფუძველზე ორი დაკავებული კახა მახარაძე და აკაკი კვაჭაძე არ დაესწრნენ.

დღესვე ცნობილი გახდა, რომ პროკურატურა თანახმაა, ბრალდებულებს საპროცესო შეთანხმება შესთავაზოს, თუ ისინი 2-წლიან პატიმრობასა და სამ წლიან პირობით სასჯელს დათანხმდებიან. ახლობლები და ადვოკატები პროკურატურის შეთავაზებას არ თანხმდებიან, რადგან მას უსამართლოდ მიიჩნევენ.

ცნობისათვის, დაკავებულებს გამოძიება მასობრივ არეულობაში მონაწილეობასა და პოლიციელებზე თავდასხმას ედავება. სულ დაკავებულია 20 პირი, აქედან ორი მერაბ ღოღობერიძე და ირაკლი ჩხვირკვია ორგანიზების ბრალდებით პატიმრობაში არიან.

ნინო ექვთიმიშვილი