სამართალი

ბათუმის მერია, მერიის ზედამხედველობის სამსახურის მთავარი სპეციალისტის დაკავებასთან დაკავშირებით განცხადებას ავრცელებს

ბათუმის მერია, მერიის ზედამხედველობის სამსახურის სამშენებლო საქმიანობაზე ზედამხედველობის განყოფილების უფროსი სპეციალისტის გ.ფ-ს დაკავებასთან დაკავშირებით სპეციალურ განცხადებას ავრცელებს.

განცხადებაში აღნიშნულია, რომ მერია თანამშრომლობს და ხელს უწყობს დაწყებულ გამოძიებას, რომ საქმეზე ობიექტური ჭეშმარიტება დადგინდეს.

მედიანიუსი განცხადებას უცვლელად გთავაზობთ.

„მიმდინარე წლის 20 სექტემბერს სამართალდამცავი ორგანოების მიერ დაკავებული იქნა ბათუმის მერიის ზედამხედველობის სამსახურის სამშენებლო საქმიანობაზე ზედამხედველობის განყოფილების უფროსი სპეციალისტი. საქმეზე დაწყებულია გამოძიება.

ბათუმის მერია თანამშრომლობს და ხელს უწყობს მიმდინარე გამოძიებას, რათა საქმეზე დადგინდეს ობიექტური ჭეშმარიტება. გვინდა ხაზგასმით აღვნიშნოთ, რომ ყველა მოხელის მიმართ, ვინც არაკანონიერ ქმედებებს ჩაიდენს, მიიღება მკაცრი ზომები, როგორც მერიის, ასევე სამართალდამცავი ორგანოების მხრიდან. მოვუწოდებთ მერიის სტრუქტურაში მომუშავე თითოეულ თანამშრომელს, ნუ შელახავენ მერიის სტრუქტურაში მომუშავე საჯარო მოსამსახურეების ღირსებასა და პატივს“,-ნათქვამია განცხადებაში.

სახელმწიფო უსაფრთხოების სამსახურის ანტიკორუფციულმა სააგენტომ ქრთამის აღების ფაქტზე ქალაქ ბათუმის მუნიციპალიტეტის მერიის ზედამხედველობის სამსახურის მთავარი სპეციალისტი გონიო-კვარიათის ადმინისტრაციულ ერთეულში გ.ფ. დააკავა.

გამოძიება სისხლის სამართლის კოდექსის 338-ე მუხლის მე-2 ნაწილით მიმდინარეობს. დანაშაული ისჯება თავისუფლების აღკლეთით 7-დან 11 წლამდე.

მონიკა დავლიანიძე