პოლიტიკა

ბატონი ირაკლი ღარიბაშვილის გამოჩენას ყველა სიამოვნებით შეხვდება - ზვიად ძიძიგური

„ირაკლი ღარიბაშვილთან დაკავშირებით მე შემიძლია გითხრათ, რომ ერთ-ერთი ყველაზე პოპულარული და კარგი პრემიერ-მინისტრი იყო და ბატონი ირაკლი ღარიბაშვილის გამოჩენას ყველა სიამოვნებით შეხვდება“,- ამის შესახებ საპარლამენტო უმრავლესობის წევრმა ზვიად ძიძიგურმა ჟურნალისტებს განუცხადა. ის „ქართული ოცნების“ ოფისში შეხვედრაზე დასასწრებად მივიდა.

ძიძიგურის თქმით, კარგი იქნება, თუ ყოფილი პრემიერი ირაკლი ღარიბაშვილი პოლიტიკაში დაბრუნდება. რაც შეეხება ყოფილ პრემიერ გიორგი კვირიკაშვილს, ძიძიგურმა თქვა, ის საზღვარგარეთ მუშაობს.

გავრცელებულ ინფორმაციასთან დაკავშირებით, რომ კახა კალაძე და ირაკლი კობახიძე პარტიულ თანამდებობებს დატოვებენ, ძიძიგურმა განაცხადა, რომ ამის შესახებ არაფერი არ იცის.

„ამასთან დაკავშირებით ვერაფერს ვერ გეტყვით“, - თქვა დეპუტატმა