პოლიტიკა

ავლაბრის სასახლე უნდა გაიყიდოს, პრეზიდენტის სასახლე კი ქუთაისში უნდა იყოს - ზურაბ ჯაფარიძე

„გირჩის“ ერთ-ერთი ლიდერის, ზურაბ ჯაფარიძის აზრით, საქართველოს პრეზიდენტის სასახლე არა თბილისში, არამედ ქუთაისში უნდა იყოს. ამის შესახებ ჯაფარიძემ ქუთაისში გამართულ ბრიფინგზე განაცხადა.

„ჩვენ ვფიქრობთ, რომ ავლაბრის სასახლე საერთოდ უნდა გაიყიდოს. ჩემი აზრით, პრეზიდენტის სასახლე არა თბილისში, არამედ ქუთაისში უნდა იყოს“, -განაცხადა ჯაფარიძემ.

მისივე თქმით, გაერთიანებული ოპოზიციის ხვალინდელ აქციას ტელავში „გირჩი“ არ შეუერთდება.

„ჩვენი პოლიტიკური პარტია არ უერთდება ამ აქციას. ოპოზიციას კი შეკრებისა და გამოხატვის უფლება აქვს. ვიმედოვნებ, რომ ამ აქციის მიზანი არ არის ის, რომ რაღაც დაპირისპირება მოხდეს“, -განაცხადა ჯაფარიძემ.