პოლიტიკა

ავიაეკიპაჟებისთვის სავიზო რეჟიმის გაუქმების საკითხს პრაღაში განვიხილავთ - ზურაბ აბაშიძე

საქართველოს პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის განცხადებით, პრაღაში, 15-16 ნოემბერს, ავიაეკიპაჟებისთვის სავიზო რეჟიმის გაუქმების საკითხი განიხილება.

ამის შესახებ აბაშიძემ „Известия»-თან საუბარში რუსეთის საგარეო საქმეთა მინისტრის მოადგილის, გრიგორი კარასინის მიერ გაკეთებული შესაბამისი შინაარსის განცხადების კომენტირებისას აღნიშნა.

„არსებობს რიგი რთული ტექნიკური ასპექტები. შესაბამისი საავიაციო უწყებები საკითხთან დაკავშირებით საკუთარ წინადადებებს წარადგენენ. ამის მერე ხელთ მექნება უფრო დეტალური ინფორმაცია“,-განმარტა აბაშიძემ.

მისი თქმით, რუსეთის მოქალაქეებისთვის სავიზო რეჟიმი თბილისმა 2011 წელს მოხსნა. მისი თქმით, ამ პერიოდიდან საქართველოს წელიწადში მილიონზე მეტი ტურისტი სტუმრობს.

გრიგორი კარასინმა „იზვესტიასთან“ საუბარში განაცხადა, რომ მოსკოვი არ გამორიცხავს საქათვველოს მოქალაქეებისთვის სავიზო რეჟიმის გაუქმებას.

მისი თქმით, ამ ეტაპზე, რუსეთმა ქართულ მხარეს ავიაეკიპაჟებისთვის სავიზო რეჟიმის გაუქმებასთან დაკავშირებით კონკრეტული წინადადებები გაუგზავნა.

მონიკა დავლიანიძე