პოლიტიკა

აუდიტის სამსახურმა 14 შემომწირველიდან მხოლოდ სამის დაკითხვა მოახერხა

2 დღის განმავლობაში აუდიტის სამსახურში „ქართული ოცნებისა“ და „ევროპული საქართველოსთვის“ გადარიცხული შემოწირულობის გამო 14-დან მხოლოდ სამი პირის გამოკითხვა მოხერხდა. უწყების განმარტებით, მმართველი გუნდის შემომწირველებს უწყებები არ ჩაბარდათ, რადგან ისინი იურიდიულ მისამართზე არ აღმოჩნდნენ.

რაც შეეხება გამოკითხულ სამ პირს, ყველა მათგანი „ევროპული საქართველოს“ მაჟორიტარობის კანდიდატია და უმცირესობას 5-5 ათასი ლარი შესწირა.

როგორც პოლიტიკური პარტიების ფინანსური მონიტორინგის სამსახურის უფროსმა, ზურაბ აზნაურაშვილმა „რუსთავი 2“-ს განუცხადა, დღეისთვის სამი პირია დაბარებული, მაგრამ ერთს უწყება ვერ ჩაბარდა.

„დაბარებული გვყავდა სამი პირი, აქედან 1-ს არ ჩაბარდა, ხოლო 2-ს ველოდებით“, -თქვა აზნაურაშვილმა.

ანა მებურიშვილი