სამართალი

აშშ-ში სპორტსმენის ლევან მაყაშვილის დაკავებას ოჯახის წვერები ადასტურებენ

ამერიკაში დაკავებულ ქართველებს შორის, სპორტსმენი ლევან მაყაშვილიც არის.

გავრცელებულ ინფორმაციას, მაყაშვილის ოჯახის წევრები მედიასთან ადასტურებენ. თუმცა, აღნიშნავენ, რომ დაკავების დეტალები მათთვის უცნობია.

"ვიცით, რომ აშშ-ში დააკავეს ლევანი, დანარჩენი დეტალები არ ვიცით", - აცხადებენ ოჯახის წევრები.

ლევან მაყაშვილი, შერეული ორთაბრძოლების UFC-ს მებრძოლია. იგი წლებია მეუღლესთან და შვილებთან ერთად ბრუკლინში ცხოვრობს.

ნიუ იორკის სამხრეთით რუსულ-ქართული კრიმინალური დაჯგუფების 33 წევრი დააკავეს. მათ შორის რამდენიმე ე.წ. „კანონიერი ქურდია“. დაკავებულთაგან 15 ქართველია.

მედიაში გავრცელდა ინფორმაცია, რომ დაკავებულთა შორის, შესაძლოა, ორი ქართველი სპორტსმენი იყოს, ლევან მაყაშვილი და ავთანდილ ხურციძე.

ხურციძესთან დაკაშირებით ინფორმაცია ჯერჯერობით უცნობია.

ცნობილია მხოლოდ ის, რომ სპორტსმენი ამერიკაში ოთხშაბათს გამთენიისას გაფრინდა.

მონიკა დავლიანიძე