სამართალი

აშშ-ში დაკავებული ორი სპორტსმენის სასამართლო პროცესი გაიმართება

ამერიკაში დაკავებული ორი სპორსტსმენის ავთანდილ ხურციძისა და ლევან მაყაშვილის სასამართლო პროცესი, ადგილობრივი დროით 12:00-ზე გაიმართება.

სწორედ დღევანდელ პროცესზე გაირკვევა, დატოვებენ თუ არა სპორტსმენები საპატიმროებს.

როგორც ავთანდილ ხურციძის მეგობარმა, მერაბ დვალიშვილმა Facebook-ზე ატვირთულ ვიდეოში აცხადებს, სასამართლო სხდომა ნიუ-იორკში დღეს გაიმართება და მოკრივეებს თავდებით გაათავისუფლებენ.

მერაბ დვალიშვილის ინფორმაციით, ავთანდილ ხურციძეს იქამდე, სანამ ყველაფერი გაირკვევა, თავდებში ოთხი პირი სჭირდება.

”ახლა დამთავრდა ავთო ხურციძის სასამართლო პროცესი. ყველაფერი ნორმალურად და მშვიდად არის. სანამ ყველაფერი გაირკვევა, საჭიროა 4 ადამიანის თავდებში ჩადგომა. ეს 4 ადამიანი უნდა იყოს ლეგალურად ამერიკის შეერთებულ შტატებში და კარგი სამსახურით. ხვალ 12:00 საათზე იქნება კიდევ სასამართლო და კარგი იქნება, თუ ვინმე სურვილის მქონე თავდებში ჩაუდგება ავთანდილ ხურციძეს. თვითონ დამნაშავედ თავს არ გრძნობს და სპორტსმენი ბიჭები არიან უდანაშაულოები,”- აღნიშნავს მერაბ დვალიშვილი.

რაც შეეხება, ლევან მაყაშვილს, მისი ადვოკატის თქმით, მაყაშვილი მასშტაბური სპეცოპერაციის დროს შეცდომით დააკავეს და მას კრიმინალურ დაჯგუფებასთან კავშირი არ აქვს.

მონიკა დავლიანიძე