მსოფლიო

აშშ-ს მიერ სირიაზე თავდასხმის შემთხვევაში პოლიტიკურ-დიპლომატიური, ხოლო საჭიროების შემთხვევაში სამხედრო ზომებით ვუპასუხებთ - ვლადიმერ შამანოვი

რუსეთის დუმის დეპუტატის, ვლადიმერ შამანოვის განცხადებით, აშშ-ის მხრიდან სირიაზე თავდასხმის შემთხვევაში რუსეთი უპასუხებს პოლიტიკურ-დიპლომატიური, ხოლო საჭიროების შემთხვევაში სამხედრო ზომებით.

„ორმაგი სტანდარტების პოლიტიკია უკიდურეს ზღვრამდე მივიდა და აქ პარტია „ერთიანი რუსეთი“ პასუხიმსგებლობით აცხადებს, რომ იქნება მიღებული ყველა პოლიტიკურ-დიპლომატიური და საჭიროების შემთხვევაში სამხედრო ზომაც, უპასუხოდ არ დარჩება არცერთი უკანონო მოქმედება“, -თქვა შამანოვმა დუმის პლენარულ სხდომაზე.

„ჩვენ სუვერენული ქვეყანა ვართ, გვყავს მოკავშირეები და იმ შემთხვევების გარანტები, რაც ხდება სირიაში. ამერიკელებს არ მივცემთ საშუალებას, ლურსმანი დაამოქლონონ სხვის გრდემლში“, - დაამატა რუსმა დეპუტატმა.

ორშაბათს სამხედრო ლიდერებთან და ეროვნული უშიშროების მრჩევლებთან შეხვედრაზე აშშ-ის პრეზიდენტმა დონალდ ტრამპმა განაცხადა, რომ სირიის ქალაქ დუმაში განხორციელებულ ქიმიურ თავდასხმაზე სწრაფ და ქმედით პასუხს გასცემს.

გუშინ ტრამპი საკუთარ ტვიტერზე გამოეხმაურა ლიბანში რუსეთის ელჩის, ალექსანდრე ზასიპკინის განცხადებას, რომ სირიაზე აშშ-ის აგრესიის შემთხვევაში რუსეთი ყველა რაკეტას ჩამოაგდებს. ტრამპმა მოსკოვი გააფრთხილა, რომ რაკეტებს გაუშვებს.