პოლიტიკა

აშშ-ის კონგრესის მიზანია, რომ რუსეთმა თავისი ქმედებებისთვის საკადრისი საფასური მიიღოს - იან კელი

საქართველოში აშშ-ის ელჩი, იან კელი გამოეხმაურა დონალდ ტრამპისადმი აშშ-ის კონგრესის მოთხოვნას რუსი ოლიგარქებისთვის სანქციების გამკაცრების შესახებ.

კელის განმარტებით, ამ მოთხოვნის მიზანია, რუსეთი დაისაჯოს სხვა ქვეყნების სუვერენიტეტის ხელყოფისა და აშშ-ის საპრეზიდნეტო არჩევნებში ჩარევისთვის.

„კონგრესის ეს გადაწყვეტილება ემსახურება იმას, რომ რუსეთმა თავისი ქმედებებისთვის საკადრისი საფასური მიიღოს. ეს შეეხება უკრაინაში მათ ჩარევას და უკრაინის სუვერენიტეტის ხელყოფას. ასევე რუსეთის ფედერაციის ჩარევას ამერიკის დემოკრატიულ პროცესებში, კერძოდ, არჩევნებში. შესაბამისად, ეს ამ საკითხებთან დაკავშირებით კონგრესის სიგნალი და პასუხია, რომ რუსეთის ფედერაციამ კარგად გაიგოს, არ შეიძლება და არ უნდა ჩაერიოს დემოკრატიულ პროცესებში და სხვა ქვეყნის სუვერენიტეტი არ უნდა ხელყოს. რაც შეეხება ამ საკითხის დეტალებს, ეს მეც გუშინ ვნახე და დეტალებზე მოგვიანებით შემიძლია ვისაუბრო“, -თქვა აშშ-ის ელჩმა საქართველოში.