პოლიტიკა

აშშ ძალიან შეშფოთებულია იმ სიტუაციით რაც საქართველოს ოკუპირებულ ტერიტორიებზე ხდება- იან კელი

საქართველოში ამერიკის ელჩი იან კელი ევროკავშირის გენერალური მდივნის ანგარიშს მიესალმება.

ელჩის თქმით, ამერიკის შეერთებული შტატები შეშფოთებულია იმ სიტუაციით რაც ოკუპირებულ ტერიტორიებზე ხდება.

„მივესალმებით ევროსაბჭოს ანგარიშს. ამერიკის შეერთებული შტატები ძალიან შეშფოთებულია იმ სიტუაციით რაც ხდება ოკუპირებულ ტერიტორიებზე, როგოირც არის მაგალითად, გამშვები პუნქტების დახურვა, ასევე იმ პირების უკანონო დაკავება, ვინც ადმინისტრაციულ საზღვარს გადაკვეთს. ნებისმიერი საკითხი, რაც კიდევ უფრო მეტ ყურადღებას მიაპყრობს აღნიშნულ პრობლემას და გაზრდის ცნობიერებას- მისასალმებელია“,-აღნიშნა იან კელიმ.

ევროკაქვშირის გენერალური მდივნის ანგარშიში აღნიშნულია, რომ ევროკავშირი კიდევ ერთხელ ადასტურებს მტკიცე მხარდაჭერას საქართველოს დამოუკიდებლობის, სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში.

ევროკავშირის გენერალური მდივნის ანგარიშში ნათქვამიამ, რომ ევროკავშირი გმობს ეფექტიანი კონტროლის განმახორციელებელი ძალის მიერ აფხაზეთისა და ცხინვალის რეგიონებში განხორციელებულ ქმედებებს, რომლებიც არღვევს ადგილობრივი მოსახლეობის უფლებებს. ევროკავშირი შეშფოთებულია, რომ მიუხედავად საერთაშორისო საზოგადოების მუდმივი მოწოდებისა, ადგილზე მდგომარეობა კვლავ უარესდება.

გარდა ამისა, ევროკავშირი შეშფოთებას გამოთქვამს ადმინისტრაციული საზღვრის გასწვრივ ე.წ ბორდერიზაციის პროცესის გაძლიერების გამო და აღნიშნავს, რომ გაიზარდა მონაკვეთი, სადაც გავლებულია მავთულხლართები, ასევე დამონტაჟებულია სათვალთვალო აღჭურვილობა და სხვა ბარიერები.

მონიკა დავლიანიძე