პოლიტიკა

არც ჩვენს მოქალაქეს და არც სხვა ქვეყნის მოქალაქეს არ აქვს მიზეზი, დამაზიანებელი შეტევა განახორციელოს საქართველოზე - გია ვოლსკი აფგან მუხთარლის საქმეზე

საპარლამენტო უმრავლესობის წევრის, გია ვოლსკის განცხადებით, აფგან მუხთარლის საქმის გამო ქვეყნის იმიჯი სერიოუზულად დაზარალდა.

როგორც დეპუტატმა „ახალ თაობას“ განუცხადა, ხელისუფლება არ უქმნის პრობლემას იმ ჯგუფებს, რომელთა საქმიანობა ეწინააღმდეგება ქვეყნის პოლიტიკურ ინტერესებს.

„საკმაოდ სერიოზუილი შეტევა განახორციელა ქვეყნბის იმიჯზე, როგორც ამბობენ, კონსპირაციულად გატაცებული ადამიანი გამოვიდა და საშინელებები ილაპარაკა ჩვენს ქვეყანაზე, რომელიც ყოველმხრივ მხარდაჭერილია, მათ შორის, განვითარებული დემოკრატიების მიერ.

გასაგებია, ადამიანური დაძაბულობა არსებობს, მაგრამ საქართველოს მიმართ არც ჩვენს მოქალაქეს და არც სხვა ქვეყნის მოქალაქეს არ აქვს მიზეზი, რომ ესოდენ დამაზიანებელი შეტევა განახორციელოს.

გასაგებია, რომ უამრავ სპეკულაციას შეიძლება ჰქონდეს ადგილი. ერთი, რაც ზუსტად ვიცით, არის ის, რომ არის ადამიანების გარკვეული ჯგუფი, რომლებიც საქართველოს ტერიტორიაზე ცხოვრობენ და გარკვეული გეგმით მოქმედებენ, რომელიც აბსოლუტურად არანაირად არ ჯდება ჩვენი ქვეყნის პოლიტიკურ ინტერესში, მაგრამ ჩვენ მათ პრობლემებს ამის გამო არ ვუქმნით. მიმდინარეობს გამოძიება და ის ბოლომდე მივა“, - განუცხადა „ახალ თაობას“ ვოლსკიმ.

აზერბაიჯანელი ჟურნალისტი აფგან მუხთარლი 29 მაისს გაუჩინარდა. მომდევნო დღეს კი გავრცელდა ინფორმაცია, რომ ჟურნალისტი ბაქოს სახელმწიფო საზღვრის სამსახურის საგამოძიებო განყოფილებაში იმყოფებოდა. მუხთარლი აზერბაიჯანის საზღვარზე უკანონოდ გადაკვეთისა და დეკლარაციის გარეშე დიდი ოდენობით თანხის გადატანის ბრალდებით დააკავეს.

აზერბაიჯანის გენერალური პროკურატურის განცხადებით, მუხთარლიმ საზღვარი პასპორტის გარეშე გადაკვეთა.

31 მაისს მუხთარლის სასამართლო პროცესი გაიმართა. მას სამთვიანი წინასწარი პატიმრობა შეეფარდა. მას ბრალი წაუყენეს სამი მუხლით: საზღვრის უკანონოდ გადაკვეთა, კონტრაბანდა და სამართალდამცავებისათვის წინააღმდეგობის გაწევა.

საქართველოს შინაგან საქმეთა სამინისტრომ კი აზერბაიჯანელი ჟურნალისტის აფგან მუხტარლის საქმესთან დაკავშირებით საქართველოს შსს-მ გამოძიება დაიწყო საქართველოს სსკ-ის 143-ე მუხლით, რაც თავისუფლების უკანონო აღკვეთას გულისხმობს.

ანა მებურიშვილი