პოლიტიკა

არსენ ავაკოვი მიხეილ სააკაშვილის წინააღმდეგ - უკრაინაში ოდესის ყოფილი გუბერნატორს პატივისა და ღირსების შელახვის გამო უჩივიან

უკრაინაში საქართველოს ყოფილი პრეზიდენტისა და ოდესის ექს-გუბერნატორის მიხეილ სააკაშვილის წინააღმდეგ 4 სარჩელია შეტანილი.

უკრაინის შინაგან საქმეთა მინისტრი არსენ ავაკოვი, სახელმწიფო ფისკალური სამსახურის უფროსი რომან ნასიროვი და უმაღლეს რადაში შემავალი ფრაქცია „ეროვნული ფრონტის“ 2 დეპუტატი სერგეი პაშინსკი და ანდრეი ივანჩუკი სააკაშვილს პატივისა და ღირსების შელახვის გამო უჩივიან. ამის შესახებ „Українські Новини“ წერს.

სარჩელები სექტემბერ-ოქტომბერში იქნება განხილული.

შეგახსენებთ, 26 ივლისს გახდა ცნობილი, რომ მიხეილ სააკაშვილს უკრაინის მოქალაქეობა ჩამოართვეს. მიუხედავად ამისა, ოდესის ყოფილი გუბერნატორი 10 სექტემბერს აპირებს უკრაინაში დაბრუნებას.

ანა მებურიშვილი