პოლიტიკა

არჩილ თალაკავძე-ოპოზიციას: არ ხართ თქვენ ის ხალხი ვისაც უბრალო ადამიანების ბედი გადარდებთ, პირდაპირ თქვით რა გინდათ

პარლამენტის პლენარულ სხდომაზე უმრავლესობისა და უმცირესობას შორის, აზერბაიჯანელი ჟურნალისტის აფგან მუხთარლის საქმეზე კამათი მოხდა.

ოპოზიცია მმართველ გუნდს სდებს ბრალს იმაში, რომ საქმის გამოძიებისთვის შესაბამისი უწყებები არაფერს აკეთებენ.

ბრალდებებს საპარლამენტო უმრავლესობის წევრი არჩილ თალაკვაძე გამოეხმაურა. მისი თქმით, ოპოზიციას ამ საქმისგან „რაღაცა უნდა“, თუმცა ამას პირდაპირ ვერ ამბობს.

„ამ საქმისგან რაღაც გინდათ თქვენ და პირდაპირ თქვით რა გინდათ. ვერ ამბობთ. პირდაპირ თქვით რა გინდათ. არ ხართ თქვენ ის ხალხი ვისაც უბრალო ადამიანების ბედი გადარდებთ და მათი სატკივარი გაწუხებთ. ეს ყველამ ვიცით. არ ხართ თქვენ ეგ ხალხი და რა გინდათ ამ საქმისგან პირდაპირ ილაპარაკეთ. გამოძიება დაწყებულია, დიდი სამუშაო გაწეულია, მუშავდება, მოთხოვნები გაგზავნილია აზერბაიჯანში და დაელოდეთ გამოძიებას. ან საქმეები მოიტანეთ ასეთი სირთულის მსოფლიოში რა ვადებში იქნა გამოძიებული და საგნობრივად ვილაპარაკოთ. ნუ მიგირბით ხელი თქვენი ქვეყნის იმიჯის და თქვენი მოქალაქეების დაზიანებისკენ“,-განაცხადა თალაკვაძემ.

მონიკა დავლიანიძე