სამართალი

არჩევნებთან დაკავშირებით ამ მომენტისთვის უკვე აღძრულია 6 სისხლის სამართლის საქმე - გიორგი გახარია

საქართველოს შინაგან საქმეთა მინისტრ, გიორგი გახარიას ინფორმაციით, არჩევნებთან დაკავშირებით ამ მომენტისთვის უკვე აღძრულია 6 სისხლის სამართლის საქმე, რომელზეც მიმდინარეობს გამოძიება.

როგორც მინისტრმა აღნიშნა, მიუხედავად იმისა, რომელი პოლიტიკური ჯგუფის წარმომადგენლები ჩადიან დანაშაულს, შინაგან საქმეთა სამინისტრო იწყებს გამოძიებას და მიიყვანს მას ლოგიკურ დასასრულამდე.

„მინდა გითხრათ, რომ ყველა იმ შემთხვევაში, სადაც არსებობს საკმარისი მტკიცებულებები, მიუხედავად იმისა, რომელი პოლიტიკური ჯგუფის წარმომადგენლები ჩადიან დანაშაულს, შინაგან საქმეთა სამინისტრო იწყებს გამოძიებას და მიიყვანს მას ლოგიკურ დასასრულამდე. ასე იყო პირველ ტურში და ასე იქნება ახლაც. ამ მომენტისთვის უკვე აღძრულია 6 სისხლის სამართლის საქმე, რომელზეც მიმდინარეობს გამოძიება, მათ შორის, თუ არ ვცდები აბაშის ეპიზოდზეც“, - განაცხადა გახარიამ.