პოლიტიკა

არასაპარლამენტო პარტიები წინააღმდეგობის ერთობლივი ორგანოს შესაქმნელად კონსულტაციებს იწყებენ

არასაპარლამენტო ოპოზიცია კონსულტაციებისთვის ემზადება. ,,თავისუფალი საქართველოს’’ ლიდერის, კახა კუკავას განმარტებით, შეიქმნება ერთობლივი ორგანო, რომელიც მოქმედი რეჟიმის წინააღმდეგ იმუშავებს.

მისი ინფორმაციით, გაერთიანებაში რამდენიმე ოპოზიციური პარტია შევა.

,,მიგვაჩნია, რომ ქვეყანაში რეალურ ოპოზიციურ პოლიტიკურ ძალებს შორის უნდა იყოს კოორდინაციის უფრო მაღალი ხარისხი. ამ დღეებში ჩატარდება გაფართოვებული კონსულტაციები. ჩვენ ,,თავისუფალი საქართველო’’ მხარს ვუჭერთ იმას, რომ შევქმნათ არსებული არადემოკრატიული და არალეგიტიმური რეჟიმის წინააღმდეგ დაპირისპირების და წინააღმდეგობის ერთობლივი ორგანო, რომელიც ქვეყანას გამოიყვანს ამ კრიზისიდან’’, - განუცხადა ჟურნალისტებს კახა კუკავამ.

ნინო ექვთიმიშვილი