პოლიტიკა

არასამთავრობოები საკონსტიტუციო კომისიიდან გასვლას განიხილავენ

არასამთავრობო ორგანიზაციის „საერთაშორისო გამჭვირვალობა-საქართველოს“ წარმომადგენლის, გიორგი ბერაიას თქმით, კონსტიტუციაზე მომუშავე მესამე სექტორმა, კერძოდ, საიამ, „ფონდ ღია საზოგადოება-საქართველომ“ და „საერთაშორისო გამჭვირვალობა-საქართველომ” შეიძლება დატოვონ საკონსტიტუციო კომისია.

„ჩვენ, რა თქმა უნდა, ვაკვირდებით კომისიაში განვითარებულ მოვლენებს. თუ ჩვენ შევამჩნევთ იმას, რომ ჩვენი მონაწილეობა მხოლოდ ფორმალური ხასიათისაა, ცხადია, ჩვენს მონაწილეობას აღარ ექნება ადგილი“, - განაცხადა ბერაიამ.

მისი თქმით, მათი გადაწყვეტილება უმრავლეოსბის რეაქციაზე იქნება დამოკიდებული.

„გვაქვს [არასამთავრობოებს] ის მნიშვენლოვანი თემები, რაც ჩვენ მიერ იყო დაყენებული საკონსტიტუციო კომისიაში და ჩვენი გადაწყვეტილება დამოკიდებული იქნება იმაზე, თუ როგორ რეაქციას დავინახავთ ხელისუფლებისგან ამ ინიციატივებთან დაკავშირებით“, - აცხადებს ბერაიამ.

„საერთაშორისო გამჭვირვალობა-საქართველოს“ წარმომადგენლმა აღნიშნა, რომ ხელისუფლების ინიციატივები სავარაუდოდ საკონსტიტუციო განხილვის მეორე ეტაპზე გახდება ცნობილი.

ანა მებურიშვილი