პოლიტიკა

არასამთავრობოები მიმართავენ პარლამენტს, შეცვალოს მანდატების განაწილების წესი და საარჩევნო ბარიერი 3%-მდე შეამციროს

საქართველოს ეროვნულ პლატფორმაში შემავალი 85 არასამთავრობო ორგანიზაცია საქართველოს პარლამენტს მიმართა. ძირითადი აქცენტი მანდატების განაწილების ახალ წესზე გაკეთდა, რომლის მიხედვით, ყველა გადაუნაწილებელი მანდატი პირველ ადგილზე გასულ პარტიას ხვდება.

არასამთავრობოების შეფასებით, ეს წესი ვერ უზრუნველყოფს პარლამენტში პოლიტიკური პარტიების პროპორციულ წარმომადგენლობასა და მდგრადი მრავალპარტიული სისტემის დამკვიდრებას. მათი აზრით, ირღვევა სამართლიანი არჩევნების თანასწორობის პრინციპი.

განცხადებაში წერია, რომ მიუხედავად იმისა, რომ პარლამენტი პროპორციული წესით დაკომპლექტდება, 5%-იანი საარჩევნო ბარიერი, ბლოკების გაუქმება და მანდატების გადანაწილების წესი საპარლამენტო პლურალიზმს საფრთხეს უქმნიან. არასამთავრობოები მოითხოვენ, ამოქმედდეს გაუნაწილებელი მანდატების პროპორციული განაწილების წესი და საარჩევნო ზღვარი შემცირდეს 3 %-მდე.

ანა მებურიშვილი