პოლიტიკა

არასამთავრობო სექტორს უნდა მივცეთ უფლება, სახალხო დამცველის პოსტზე საკუთარი კანდიდატურა დაასახელოს - სალომე სამადაშვილი

„ნაციონალური მოძრაობის“ ერთ-ერთმა ლიდერმა, სალომე სამდაშვილმა მოუწოდა არასამთავრობო ოგგანიზაციებს, დაასახელონ თავისი კანდიდატურა სახალხო დამცველის თანამდებობაზე.

სამადაშვილის განმარტებით, მმართველი გუნდის ვერცერთი კანდიდატი ვერ ისარგებლებს საზოგაოდების ნდობით.

„იმისთვის რომ ჩვენმა საზოგადოებამ იგრძნოს, რომ ჩვენ გვეყოლება სახალხო დამცველი, რომელიც მართლაც დაიცავს ხალხის, ამომრჩევლებისა და მოქალაქეების ინტერესებს, ყველაზე სწორი გადაწყვეტილება იქნებოდა, რომ ჩვენ მიგვეცა, სწორედ არასამთავრობო სექტორისთვის შესაძლებლობა, მათ დაასახელონ საკუთარი კანდიდატურა სახალხო დამცველის პოსტზე.

ვფიქრობ, ნებისმიერი კანდიდატურა, რომელსაც დაასახელებს მმართველი გუნდი და შემდეგ, საკუთარი დიდი უპირატესობით, პარლამენტში დაამტკიცებს, ვერ ისარგებლებს იმ ნდობით, როგორითაც შეიძლება ისარგებლოს დამოუკიდებელმა კანდიდატმა. სწორედ ამიტომ, მე მინდა, მოვუწოდო არასამთავრობო ორგანიზაციებს, რომ განიხილონ ასეთი შესაძლებლობა, რომ დაასახელონ სწორედ საკუთარი კანდიდატი ამ პოსტზე", - განაცხადა სალომე სამადაშვილმა.

ამჟამინდელ ომბუდსმენ უჩა ნანუაშვილს უფლებამოსილების ვადა დეკემბერში ეწურება.

ანა მებურიშვილი