პოლიტიკა

არ ვაპირებ ჩემი მოადგილის სოსო გოგაშვილის სამახურიდან გათავისუფლებას - ვახტანგ გომელაური

არ ვაპირებ ჩემი მოადგილის სოსო გოგაშვილის სამახურიდან გათავისუფლებას, ის ძალიან კარგი თანამშრომელია და კარგი მოადგილეა, - განუცხადა ჟურნალისტებს სახელმწიფო უსაფრთხოების სამსახურის ხელმძღვანელმა, ვახტანგ გომელაურმა ყაზბეგში დარიალი ჰესისი გახსნის შემდეგ.

მისი თქმით, სოსო გოგაშვილი ძალიან ბევრი დამსახურება აქვს.

"მისი ხელმძღვანელობით გაიხსნა თუნდაც ის ტერორისტული აქტის საქმე, რომელიც რუსეთი-სომხეთის გაზსადენის მონაკვეთზე უნდა განხორციელებულიყო, ასე რომ არ ვაპირებთ ამ ადამიანის გათავისუფლებას. სოსო გოგაშვილი დიდხანს იმუშავებს.

ჩემს მოადგილეზე ცრუ ბრალდება გახმაურდა, აღარ დავკონკრეტდები რაზეა საუბარი, მაგრამ ეს არის სიცრუე და არასწორი ინფორმაცია, თუ ვინმეს რამე ფაქტები აქვს მიმართოს პროკურატურას, პროკურატურატურა იძიებს ძალოვანი სტრუქტურების თანამშრომლების მიერ ჩადენილ დანაშაულებს", - განაცხადა ვახტანგ გომელაურმა.

შეგახსენებთ, რომ "ქრონიკა პლიუსის"-ის რედაქტორმა ელიკო კილაძემ სუს-ის ხელმძღვანელის მოადგილე, სოსო გოგაშვილი ნარკოდამნაშავეების მფარველობაში დაადანაშაულა. ჟურნალისტის მტკიცებით, შს მინისტრის ყოფილ მოადგილეზე, გელა ხვედელიძეზე თავდასხმა სწორედ იოსებ გოგაშვილის ორგანიზებულია.

ნინო ექვთიმიშვილი