პოლიტიკა

არ მიმაჩნია, რომ კონსტიტუციაში ქვეყნის ევროატლანტიკური კურსი უნდა ეწეროს - გიორგი მარგველაშვილი

საქართველოს პრეზიდენტი, გიორგი მარგველაშვილი საქართველოს კონსტიტუციაში შესატან იმ ცვლილებას გამოეხმაურა, რომლის თანახმადაც, ქვეყნის ევროატლანტიკური კურსი უნდა იყოს გაწერილი.

"გულწრფელად გეტყვით, ახლა მე როგორც ჩემი წინა პოლიტიკური ცხოვრებით და ასევე როგორც პრეზიდენტი მუდმივად აქტიურად ვიყავი ჩართული ჩვენი ევროატლანტიკური კურსის გაღრმავებასა და ჩვენს მისწრაფებაზე ნატოსკენ, თუმცა გულწრფელად გეტყვით, არ მიმაჩნია კონსტიტუციაში ამის ჩაწერა ადეკვატურ ნაბიჯად. ქართველი ხალხის ნება ევროპული და ევროატლანტიკური ინტეგრაციისათვის არის მთავარი გარანტი და არა ჩანაწერი, რომელიც არის გარდამავალ დებულებებში. მე მრჩება შთაბეჭდილება, რომ ეს ჩანაწერი კონკრეტულად რაღაცა პოლიტიკური დისკუსიის, თუ პოლიტიკური შეთანხმების შედეგი არის.

ასევე, ხომ შეიძლება ჩაგვეწერა რომ მსოფლიო სავაჭრო ორგანიზაციის წევრი უნდა ვიყოთ, გაეროს წევრი უნდა ვიყოთ, ევროკავშირის წევრი უნდა ვიყოთ, ნატოს წევრი უნდა ვიყოთ, ამის ჩაწერა, მე მთლად გულწრფელად რომ გითხრათ, მიუხედავად, იმისა, რომ ამ კურსის ძალიან ერთგული, როგორც გამტარებელი, ისე იდეურად ამ კურსის მომხრე პოლიტიკოსი ვარ, კონსტიტუციაში არ მიმაჩნია, რომ ეს უნდა ეწეროს",- თქვა მარგველაშვილმა.

ნინო ექვთიმიშვილი