პოლიტიკა

არ გამოვრიცხავ, რომ „თავისუფალი დემოკრატების“ ზოგიერთი წევრი აღმასრულებელ ხელისუფლებაში ვიხილოთ - ბექა ნაცვლიშვილი

საპარლამენტო გზით „თავისუფალი დემოკრატების ხელისუფლებაში მოსვლა ვეღარ მოხდება, თუმცა არ გამოვრიცხავ, რომ აღმასრულებელ ხელისუფლებაში ვიხილოთ ზოგიერთი მათგანი, – განაცხადა დღეს გამართულ პრესკონფერენციაზე “ქართული ოცნების“ მაჟორიტარობის კანდიდატმა, ბექა ნაცვლიშვილმა.

მან ჟურნალისტებთან საუბრისას დაადასტურა მედიაში გავრცელებულ ინფორმაციაც, რომლის მიხედვითაც, „თავისუფალი დემოკრატების“ ყოფილი წევრები „ქართული ოცნების“ წარმომადგენლებს შეხვდებიან.

„ერთია პარტია და მეორეა პიროვნებები, ვინც ამ პარტიაში იყვნენ. არჩევნები დასრულებულია და აქედან გამომდინარე, „თავისუფალი დემოკრატების” წევრები არჩევნების გზით ვერ მოხვდებიან პარლამენტში, თუმცა არაა გამორიცხული, რომ ზოგიერთი მათგანი, თავისი კომპეტენციიდან გამომდინარე, აღმასრულებელ ხელისუფლებაში ვიხილოთ“, – განაცხადა ბექა ნაცვლიშვილმა.

ნინო ექვთიმიშვილი