პოლიტიკა

აქციაზე მივდივარ არა როგორც ,,ახალი საქართველოს“ ლიდერი, არამედ როგორც მოქალაქე - გიორგი ვაშაძე

ხვალ, რუსთაველის გამზირზე აქცია სახელწოდებით „ნუ მომკლავ“ გაიმართება. აქცია 16:00 საათისთვისაა დაგეგმილი.

აქციის ფარგლებში საზოგადოება მხარში დაუდგება ზაზა სარალიძესა და მალხაზ მაჩალიკაშვილს.

„ახალი საქართველოს“ ლიდერის გიორგი ვაშაძის განცხადებით, იგი აქციას დაესწრება, როგორც საქართველოს მოქალაქე და არა როგორც პოლიტიკოსი:

„მე პირადად - ,,ახალი საქართველოს“ ლიდერი მივდივარ, როგორც მოქალაქე, რომელმაც მხარი უნდა დაუჭიროს ამ ორ, შვილმოკლულ მამას და მოვითხოვოთ მათთან ერთად იმ დამნაშავეების დასჯას,, ვისაც პირადად წვლილი მიუძღვის ამ დანაშაულში. ეს არის ჩვენი როლი. გარდა ამისა, თუ რაიმე ტიპის მხარდაჭერა იქნება საჭირო პასუხისმგებლობის თვალსაზრისით მათ შორის, მე ამ პასუხისმგებლობას არასდროს გავურბივარ, სხვებისგან განსხვავებით და ჩვენი მნიშვნელოვანი ფუნქცია და როლი იქნება, რომ ყველაფერი იყოს კანონის ფარგლებში, მშვიდობიანად და რაც მთავარია მხარში დავუდგეთ შვილმოკლულ მამებს“, - აცხადებს გიორგი ვაშაძე.

ნინო ექვთიმიშვილი