სამართალი

ანა ნაცვლიშვილის მამა ეჭვიანობის ნიადაგზე მკვლელობას გამორიცხავს

თემქაზე, 21 წლის გოგოს მკვლელობის მოტივი გარდაცვლილის ოჯახის წევრებისთვის უცნობია. მოკლული ანა ნაცვლიშვილის მამა ეჭვიანობის ნიადაგზე მკვლელობას გამორციხავს.

,,არაფერი ღალატი არ ყოფილა, ყელი გამოჭრეს ჩემს გოგოს...რა ეჭვიანობა...რომელ ეჭვიანობაზე ლაპარაკობთ,“- ამბობს მოკლული ანა ნაცვლიშვილის მამა.

გოგონას მეზობლები ამბობენ, რომ სავარაუდოდ, ანა ნაცვლიშვილი შეყვარებულმა ეჭვიანობის ნიადაგზე მოკლა. არსებობს სხვა ვერსიაც, რომ შეყვარებულებს შორის კონფლიქტი ერთ-ერთ ქალს უკავშირდება, რომელიც 2 თვის წინ ავარიის დროს დაიღუპა. ავტოსაგზაო შემთხვევის დროს ავტომობილში ლადო გრიგალაშვილიც იმყოფებოდა.

შეგახსნებთ რომ, მიმდინარე წლის 22 თებერვალს თბილისში, თემქის დასახლებაში, შურისძიების მოტივით, ლადო გრიგალაშვილმა მეგობარს, 1997 წელს დაბადებულ ა. ნ-ს ცივი იარაღით სხეულის სასიკვდილო ჭრილობები მიაყენა და ადგილიდან მიიმალა. სამართალდამცველებმა ბრალდებული მომხდარიდან რამდენიმე საათში, განხრახ მკვლელობის ბრალდებით, თბილისში დაკაავეს.

გამოძიება საქართველოს სისხლის სამართლის კოდექსის 108 მუხლით მიმდინარეობს, რაც განზრახ მკვლელობის ჩადენას გულისხმობს და ისჯება თავისუფლების აღკვეთით ვადით 7-დან 15 წლამდე.

ცირა გურგენიძე