სამართალი

ანა დოლიძე ქუთაისის სააპელაციო სასამართლოს თავმჯდომარეს პატივის, ღირსებისა და საქმიანი რეპუტაციის შელახვისთვის უჩივის

იუსტიციის უმაღლესი საბჭოს არამოსამართლე წევრი ანა დოლიძე დღეს იუსტიციის უმაღლესი საბჭოს წევრის, ქუთაისის სააპელაციო სასამართლოს თავმჯდომარისა და მოსამართლის, დიმიტრი გვრიტიშვილის წინააღმდეგ პატივის, ღირსებისა და საქმიანი რეპუტაციის შელახვისთვის თბილისის საქალაქო სასამართლოში სარჩელს შეიტანს.

როგორც დოლიძე ამბობს, გვრიტიშვილმა მის წინააღმდეგ ცრუ ინფორმაცია გაავრცელა, თითქოს აგვისტოს ომის დროს ის რუსეთში იმყოფებოდა. დოლიძე ფაქტს აბსურდულს უწოდებს.

„სასამართლოს მივმართავ, უარყოფილ იქნას ის ტყუილი, რომელიც თქვა მოსამართლე გვრიტიშვილმა ჩემთან დაკავშირებით, რომ ერთხელ და სამუდამოდ დადგინდეს პასუხისმგებლობის მაღალი სტანდარტი. მოსამართლე როდესაც ადამიანს დააბრალებს რაღაცას, ბუნებრივია, ჩვენ ვერ გვექნება რწმენა მის მიერ სასამართლოს სწორად განხორციელებისა“, – განაცხადა ანა დოლიძემ.

ნინო ექვთიმიშვილი