პოლიტიკა

ამ არჩევნებით ვაჩვენეთ, რომ საქართველოში დემოკრატია დამყარდა ნამდვილად - ბიძინა ივანიშვილი (ვიდეო)

ხალხი განკარგავს და განსაზღვრავს ვინ უნდა აირჩიოს, - განაცხადა პარტია „ქართული ოცნების“ თავმჯდომარემ ბიძინა ივანიშვილმა საპატრიარქოში, სადაც კათოლიკოს-პატრიარქმა ბერა ივანიშვილი და მისი მეუღლე ნანუკა გუდავაძე მიიღო და დალოცა.

პატრიარქთან შეხვედრაზე ბიძინა ივანიშვილმა საპრეზიდენტო არჩევნებთან დაკავშირებით ისაუბრა და იმედი გამოთქვა, რომ საზოგადოება ღირსეულ არჩევანს გააკეთებს.

„ამ არჩევნებით ვაჩვენეთ, რომ საქართველოში დემოკრატია დამყარდა ნამდვილად. ქვეყნის დემოკრატიულობა. ხალხმა აირჩია ხელისუფლება, ხალხი განკარგავს და განსაზღვრავს ვინ უნდა აირჩიოს. მე ვფიქრობ, რომ ღირსეულ არჩევანსაც გააკეთებენ. თუმცა, კითხვები ბევრია, რა თქმა უნდა“, - განაცხადა ივანიშვილმა.