პოლიტიკა

ალბათ, ქალბატონმა ეკამ ბოლო ტყვია შეინახა, თუ მოხდება ამ მოსამართლეების გატანის ძალადობრივი მცდელობა - დავით ჭიჭინაძე

„პირდაპირ იქნა აღიარებული, რომ სია ეკუთვნოდა ბიძინა ივანიშვილს“,- ასე შეაფასა ფრაქცია „პატრიოტების“ წევრმა, დავით ჭიჭინაძემ იურიდიულ საკითხთა საპარლამენტო კომიტეტის ყოფილი თავმჯდომარის ეკა ბესელიას განცხადებები, რომლებშიც ის განმარტავდა თანამდებობიდან წასვლის მიზეზებს.

ჭიჭინაძის ვარაუდით, ხელისუფლება მაინც შეეცდება, უზენაეს სასამართლოში გასამწესებელი მოსამართლეთა სია შემდეგ ჯერზე გაიტანონ.

„ქალბატონმა ეკამ თავისი განცხადებით დაადასტურა, რომ იყო, მათ შორის შეთანხმება, რომლის საფუძველზეც ის გადადგა და ივანიშვილმა გაიწვია ის სია და პირდაპირ იქნა აღიარებული, რომ სია ეკუთვნოდა ივანიშვილს. არის საკითხები, რაც საზოგადოებამ უნდა იცოდეს, რასაც ისინი საუბრობენ. ბოლო ტყვია არ უნდა გამოიყენოს საერთოდ ადამიანმა და შეინახა, ალბათ, ქალბატონმა ეკამ ბოლო ტყვია იმ მძიმე შემთხვევისთვის, თუ სიტუაცია ასე განვითარდება და იქნება ძალადობრივი მცდელობა ამ მოსამართლეების გატანის“, - განაცხადა ჭიჭინაძემ.