სამართალი

ალბათ, იმის ინტერესი აქვთ, რომ მთლიანად გამანადგურონ - მალხაზ მაჩალიკაშვილი

პანკისის სპეცოპერაციის შედეგად მოკლული თემირლან მაჩალიკაშვილის მამის, მალხაზ მაჩალიკაშვილის განცხადებით, დღეს სახელმწიფო უსაფრთხოების კონტრტერორისტულ ცენტრში მისი დაბარება არ უკავშირდება რუსთაველის გამზირზე, აქციაზე გაკეთებულ განცხადებას, რომ ის სუს-თან თავის აფეთქებას გეგმავდა.

მისივე თქმით, ტერორიზმის ხელშეწყობის საქმეზე არ აქვს არანაირი ინფორმაცია, რომ უწყებას მიაწოდოს.
ამასთან, მაჩალიკაშვილი არ გამორიცხავს, რომ ბრალი წაუყენონ.

"მე არანაირი ინფორმაცია არ მაქვს, რომ გამოძიებას მივაწოდო. ჩემი წინა დაკითხვა დაკავშირებული იყო აქციის მსვლელობისას გამწარებული ადამიანის სიტყვებთან. მეორე დღეს არც მახსოვდა ეს სიტყვები. აქედან ცდილობენ რაღაცის შექმნას. დღეს იგივე საქმეზე არ ვარ დაბარებული. თუ მე მადანაშაულებენ ტერორიზმის ხელშეწყობაში, ეს ნიშნავს, რომ სახელმწიფო კაცობრიობის წინაშე დანაშაულს ჩადის.
მათ ალბათ, იმის ინტერესი აქვთ, რომ მთლიანად გამანადგურონ", - განაცხადა მაჩალიკაშვილმა.

ნინო ექვთიმიშვილი