სამართალი

ახმედ ჩატაევის ციხიდან გამოშვების წინააღმდეგი ვიყავი - თეა წულუკიანი

იუსტიციის მინისტრის, თეა წულუკიანის განცხადებით, ახმედ ჩატაევის ციხიდან გათავისუფლების წინააღმდეგი იყო.

მისი თქმით, ჩატაევის გათავისუფლება არჩილ კბილაშვილის მთავარი პროკურორობის დროს მოხდა.
„ჯერ კიდევ მაშინ მე, როგორც საქართველოს იუსტიციის მინისტრი ამ ადამიანის ციხიდან გამოშვების წინააღმდეგი ვიყავი. ვემხრობოდი, რომ ასეთი პატიმრების გათავისუფლებისას პროკურატურას უფრო მეტი ყურადღება გამოეჩინა, თუმცა იმ დროს პროკურატურა ახალი გათავისუფლებული იყო ადეიშვილის პოლიტიკისა და წნეხისგან, ბატონი არჩილ კბილაშვილის მმართველობის ქვეშ არის ეს მომხდარი,“- განაცხადა თეა წულუკიანმა.

შეგახსენებთ, რომ თურქულ გამოცემებში გავრცელდა ინფორმაცია, რომლის თანახმადაც, ათათურქის აეროპორტში მომხდარი თავდასხმის ორგანიზებაში ეჭვმიტანილი ჩეჩენი ახმედ ჩატაევია.

ნინო ექვთიმიშვილი